《金裝龍鳳茶樓》
舞蹈/戲劇
國際綜藝合家歡2017
簡介
簡介
蝦餃仔同燒賣仔同你跳上蒸籠時光機
穿越時空回到婆婆未嫁時！
Steaming hot buns, freshly brewed tea. We’ve got a table for you!
老字號「龍鳳茶樓」雕花木招牌旁貼上「最後今天」的大標貼！蝦餃仔同燒賣仔嚇到蝦都碌走！「點算呀點算呀，牛肉腸、燒腩卷、大包、雞包仔、蓮蓉焗布甸、馬拉糕、鵪鶉蛋燒賣，仲有叉燒包，我哋會唔會就咁bye bye，以後都冇得再見？！」
香港舞蹈團兒童團及少年團200位精靈活潑的小演員，拉埋舞團一班專業舞者，齊齊化身點心兵團，穿起可愛服飾，跳跳舞、唱唱歌，力保蒸籠！2014年首演大獲好評，原創大型合家歡音樂舞劇《金裝龍鳳茶樓》今年暑假再次為一家大細帶來幕幕奇趣窩心，令你又笑又喊的難忘故事。特別演出嘉賓譚玉瑛姐姐又唱又跳同你話當年！
當孫女穿越時空遇上美眉婆婆，在舊式茶樓最鼎盛、最好玩的歲月裡，一盅兩件，一事一物，點點心思，都帶給孫女無限新奇，過程充滿驚喜和笑聲，水滾茶靚唔賴貓！婆孫之間的親情刻劃細膩，溫馨感人，還有點心車及手點謝茶，這些代代累積的生活情懷和飲茶文化，地道香港人倍感親切。快啲約埋朋友仔霸番個靚位，一齊嚟龍鳳茶樓湊吓熱鬧，飲啖茶，食個包！
資訊
最低票價
$80
最高票價
$280
室內/室外
室內
本地/非本地製作
本地製作
